मुंबई आणि आसपासच्या उपनगरातील वाहतूक कोंडीवर उपाय म्हणून राज्य सरकारने आता ‘वॉटर मेट्रो’ प्रकल्पावर लक्ष केंद्रित केले आहे. या महत्त्वाकांक्षी प्रकल्पासाठी एक मोठे पाऊल उचलण्यात आले असून, नॉर्वेमधील जगप्रसिद्ध ‘हायके एएस’ (Hyke AS) या कंपनीसोबत सामंजस्य करार करण्यात आला आहे. विशेष म्हणजे, या प्रकल्पासाठी लागणाऱ्या आधुनिक जहाजांची बांधणी महाराष्ट्रातच होणार असून, त्यासाठी पालघर किंवा रायगड जिल्ह्यात तब्बल २,५०० कोटी रुपयांचा जहाजबांधणी कारखाना उभारला जाणार आहे.
२१ जलमार्गांचे जाळे मुंबई महानगर प्रदेशातील (MMR) ठाणे, कल्याण, वसई-विरार, मिरा-भाईंदर, नवी मुंबई, पनवेल आणि अलिबाग यांसारख्या महत्त्वाच्या शहरांना जोडण्यासाठी २१ जलमार्ग विकसित करण्याचे नियोजन आहे. या मार्गांवरून पर्यावरणपूरक आणि अत्याधुनिक जहाजे धावतील. या प्रकल्पामुळे रस्ते आणि रेल्वेवरील ताण कमी होण्यास मदत होणार आहे.
जागेचा शोध सुरू या प्रकल्पासाठी लागणाऱ्या बोटींची निर्मिती करण्यासाठी नॉर्वेची कंपनी गुंतवणूक करण्यास तयार आहे. जहाजबांधणी कारखान्यासाठी मोठ्या जागेची आवश्यकता असून, महाराष्ट्र सागरी मंडळ (MMB) सध्या रायगड, रत्नागिरी आणि पालघर या किनारपट्टीच्या जिल्ह्यांमध्ये योग्य जागेचा शोध घेत आहे. या प्रकल्पामुळे स्थानिक स्तरावर मोठ्या प्रमाणात रोजगार निर्मिती होण्याची शक्यता आहे.
ऐतिहासिक वारसा आणि आधुनिक तंत्रज्ञान मुंबईची भौगोलिक रचना सात बेटांवर आधारित आहे. ब्रिटीश काळात आणि त्यापूर्वी मराठा साम्राज्यातही जलवाहतुकीचे महत्त्व मोठे होते. तोच ऐतिहासिक धागा पकडून मुख्यमंत्री देवेंद्र फडणवीस यांच्या मार्गदर्शनाखाली हा आधुनिक प्रकल्प राबवला जात आहे. मेट्रो आणि मोनो रेलनंतर ‘वॉटर मेट्रो’ हा मुंबईच्या सार्वजनिक वाहतूक व्यवस्थेतील एक क्रांतिकारी टप्पा ठरणार आहे.
 या कंपनीसोबत सामंजस्य करार करण्यात आला आहे. विशेष म्हणजे, या प्रकल्पासाठी लागणाऱ्या आधुनिक जहाजांची बांधणी महाराष्ट्रातच होणार असून, त्यासाठी पालघर किंवा रायगड जिल्ह्यात तब्बल २,५०० कोटी रुपयांचा जहाजबांधणी कारखाना उभारला जाणार आहे.){kind=link}